Rowaýata dönen güjük Hatiko,
Dokuz ýyllap eýesine garaşdy.
It bolsa-da, wepa bardy ýürekde,
Sowuk, yssy, hasrat bilen göreşdi.

Wepasyna hormat edip güjügiñ,
Tokioda dikdiler ajaýyp heýkel.
Dokuz däl, iki ýyl garaşan bolsañ,
Seniñ mähriñ bilen ýylardy öýken.

Şo wepany görüp bilsedim senden,
Dikerdim diýjek däl ullakan heýkel.
Emma bagt bererdim türkmene mahsus,
Bir töri bagş edip, ullakan öýden.

Kerim Hally