Ýalançylar gury çyksada ýapdan,
Eden ýagşylygym çyksada ýatdan.
Bir dilegim bolar eý eziz Alla,
Beden däl wyždanym düşürme tapdan.

Dogry söz hiç wagt çykmasyn ýoldan,
Mätäç etme ile, öziň çek goldan.
Ýene bir dilegim bardyr eý Alla,
Ýykylsam kuwwat ber galaýyn noldan.

Gep-gybat çalt ýeter atylan okdan,
Töhmet beter ýakar alowly otdan.
Ýenei bir dilegimi eşit eý Alla,
Öziň goraweri ynsaby ýokdan.

©️Şanazar Hydyrow