Ine, dünýä.
Ine, senli hakykat.
Seň adyňa tisginip dur hakyda.
...Neçün dünýä zalym beýle çenimden,
Ýalňyz galdym, çekmediler elimden.

Diýýärdi ol gözel: "Kyn bolar sensiz..."
Ine, bu gün bolsa, oňup ýör mensiz.
Umytly dünýäniň gapysyn kakdym,
Şatlygy gizlenen, gussasyn tapdym.
Ýüregim söýmese hökmanmy söýmek,
Dogrumy seň üçin köýmese, köýmek?!

Ne-hä ýürek jogap berdi pyşyrdap,
Ne-de arzuwlardan galdy daşarda.
(Wepaly hakmyşyn çyn bolan wadaň,
Ýalňyzmyş söýgüde aglaýan adam.)

...Ýüregi tisginip, bir gezek doňan
Ýalňyzlyk derdinden gorkarmyş soňam...

©️Allanur Çaryýew - Bathyz