Kimden galan köne eşik kimiň bolar, täzesi,
Kim gant islär, kimiň çaýa tapylmaz bir käsesi.
Gör kimiňdir saçagynda turşar süýdiň gaýmagy,
Kime baldyr gury çörek bilen çaýyň gaýnagy.

Kimiň sende serhoşlukdan gep götermez gerdeni,
Kimi eger ýykylaýsam basalajak ýer deňi.
Geçmeli men dünýäm senden görmän seniň deňligiň,
Ýaşadykça öz-özüme gelýär biraz kemligim.

Durmuş şeýle döredilen, ýok hiç zadyň geňligi,
Ýogsam dünýe sende owal kim görüpdir deňligi.
Ýetipdirmi ynsan owal bar zadynyň gadryna,
Şol pul diýip ylgap ýörşi äkitjek deý gabryna.

©️Merjen Meredalyýewa