Haýwanlaryň özlerini alyp baryşy boýunça howa çaklamasy

Guş bir aýagynyň üstünde durup uklasa, ertesi howa salkyn bolar ýa-da ýagyş ýagar.

***

Gurbagalar suwdan çykyp ot-çöplere siňip başlasa, ertesi ýagyş ýagar.

***

Garlawaçlar suwuň ýüzünden jügüldäp uçsa howa bulaşar.

***

Towuk gaty ses bilen käkelese, tozanly howa bolar.

***

Gurbagalar kenara çykyp “aýdym aýtsa”, ertesi dymyk howa bolar.

***

Irden guşlar ýapragyň aşak ýüzünde gizlense, howa yssy bolar.

***

Agşam suwly ýerde buzaw “jürläp” owaz etmese, ertesi dymyk howa bolar.

***

Ýaplarda gurbagalar daň atýança uklamasa, ertesi howa yssy bolar.

***

Gumrylar “guguk-gugu-guk” edip saýrasa, şol gün howa yssy bolar.

***

Guşlar toparlanyşyp bagdan-baga gonup saýraşsalar, şol gün ýa ertesi ýagyş ýagar.

***

Towuklar gündiz çugudyp uklasa, sowuk ýelli howa bolar.

***

Öý guşlary saýramasa, ertesi ýelli howa bolar.

***

Maýyl günde gaz bir aýagynyň üstünde dursa, ertesi sowuk bolar.

***

Torgaý gelenden soň, dokuz günden soň gar ýagar.



Toplan Baýgeldi ÇARYÝEW,


Magtymguly adyndaky Türkmen döwlet uniwersitetiniň geografiýa fakultetiniň meteorologiýa hünäriniň IV ýyl talyby.