ÝATLAMA
Meniň söýen adamlarmyň barysy
Suraý Babanyýazowa

Dogry ýeke-hä däl, däl beyle känem
Meniň söýen gyzlarymyň barysy
Asyl olar meni söýdümikäler
Meniň söýen gyzlarymyň barysy

Zeminden üzülip, asmanda gaýyp
Gezipdim özümi bagtly saýyp
Gör neneň päkize, neneň ajaýyp
Meniň söýen gyzlarymyň barysy

Pikirlermi berip yşkyň eline
Ruhumy göterdim daglaň deňine
Belki sebäpkärdir özgermegime
Meniň söýen gyzlarymyň barysy

Ýyllaryň sapagyn çigip gitdiler
Ýaz güni ýagdylar, diňip gitdiler
Setirleň içine siňip gitdiler
Meniň söýen gyzlarymyň barysy

Author: İlmyrat Babaýew