2nji bölüm

Şeýle hem bolsa, pul gazanmagyň we syýahat etmegiň gowydygyna düşünsemem, maşgala gurmak hakynda pikir edýärdim. Näme üçindir men 20 ýaşymda durmuşa çykmadygyma ökünmeýärin. Irki ýaşda aýrylyşmak gaty ýygy duş gelýär. Köp gyzlar emosional joşgunda, ýagny diňe duşuşygy, sowgatlary we romantikany gören wagtlarynda durmuşa çykýarlar. Siz durmuşa çykýanyňyza akyl ýetirmeýärsiniz. Siz kebelekleri duýýarsyňyz we kararyňyzyň agyrlygyna düşünmeýärsiňiz. Nähili çeýnelen ýaly eşidilsede, 20 ýaşynda köpler gündelik durmuşyň hakykatlaryna doly göz ýetirmeýärler. Maliýe kynçylyklary, düşünişmezlikler, ýoldaşyňyzyň halamaýan ugrunda ösmek islegi aýrylyşmaga sebäp bolup bolýar. 35 ýaşymda men kimdigimi we kim bolmak isleýändigimi eýýäm bilýärin, pul gazanyp bilýärin we halaýan adamlarym bilen duşuşyp bilýärin.

Meniň durmuşa çykmagymy talap eden ejem bilen gürrüňdeşligim ýadymda. Şol wagt men 32 ýaşymdadym, henizem ýalňyzdym. Men ejemden we maşgalamdan üstümden basmazlygy haýyş etdim. Elbetde, men durmuşa çykyp bilerdim, ýöne geljegini meýilleşdirýän, durmuşa çykmadyk bagtly bir gyzyň bolany gowumy ýa-da çaga bilen aýrylyşan we sosial kemsidilmelere sezewar bolan gyzyň? Ejem we beýleki garyndaşlarym meniň bilen ylalaşdylar. Indi biz bu soraga gaýdyp gelmeýäris, sebäbi olar meniň diňe bir durmuşa çykan adyny almak üçin durmuşa çykmak islemeýändigime düşündiler. Meniň arzuwym - bagtly maşgala bolmak!