Umyt

Ynsan - umydyny ýitirmesin hiç,
Ömrüñ kyn günlerin geçmeklik üçin.
Kiçijek umydam berýär uly güýç.
Täze bir sahypa açmaklyk üçin.

Ynsan - umydyny ýitirmesin hiç,
Hasrat alsa söýgüsiniñ soñuny.
Haýyrlysy bolýar munda iru - giç,
Sähetli gün herkim tapar deñini.

Ynsan - umydyny ýitirmesin hiç,
Ojagynda çaga sesi bolmasa.
Kim bilip dur, arzuwlaryñ bolmaz puç,
Eger Alla dilegiñi oñlasa.

Ynsan - umydyny ýitirmesin hiç,
Ynamsyz durmuşyñ manysy barmy !?
Hemmä ýaşamaga umyt gerekdir,
Ömrüni höwesli süreri ýaly.


ŞANAZAR HYDYROW