Hezreti Ebu Bekir (r.a) soňky demini sanap ýatyrka, hezreti Omary (r.a) ýanyna çagyryp, oňa şeýle öwüt-ündew etdi:
Menden soň seniň halyf bolmagyňy isleýärin. Ýöne bilip goý, halyflyk adamyň bilini bükýän wezipedir. Eý, Omar! Alladan gork, oňa boýun bol, mydama takwany ileri tut! Sebäbi takwa bolmak gorag astynda bolmak diýmekdir. Ýolbaşçylyk wezipesi diňe şony birkemsiz ýerine ýetirip biljek adama ynanylýandyr.

– Ile «gowy bol!» diýip, özi hem erbetlik edýän adam tizara halkyň ynamyndan gaçar. Onuň eden ýagşy işleriniň bary puç bolar.

– Adamlar bilen iş salşanyňda eliňi olaryň ganyndan, garnyňy bolsa olaryň baýlygyndan daş sakla! Diliňe eýe çyk, dünýe maly üçin hiç kimiň öňünde kiçelme! Gudraty güýçli bolan ýeke-täk Alladyr.