Saňa duşup däli-telbe boldum men,
Razy bu ykbala, saýrap gideýin.
Ýüregiň töründe maňa niýetläp,
Kakan gazygyňda garrap gideýin.

Ýedi gat asmana ak melek bolup,
Uçaýsaň yzyňdan parlap gideýin.
Kaza dolup gitsem zemin goýnuna,
Ýyly gujagyňdan derläp gideýin.

Hiç gargyş siňmeýän ajy pelege,
Senden aýra salsa gargap gideýin.
Ýöne seň dünýäde baky galmagňy,
Nämä durýan bolsa sargap gideýin.


©️Sädi Sädiýew