manolya
25.08.2024 18:37
Ýadyma şool şat çagalyk döwrümi
salar ýaly goşgy okap bersene !
Meniň mydam mähre mätäç göwnümi
alar ýaly goşgy okap bersene !
Gürzüsin aýlanda otly ýyldyrym ,
Arş elden gaçyrdy yşgyň bulguryň ...
Ýagyrnysyn süýnüp barýan ýyllaryň
çalar ýaly goşgy okap bersene !
Ýüregiň bar -ýüregime ýanaşyk,
Gideýin men duýgulaňda azaşyp ,
Sekiz jennet lezzetinden azajyk
çiler ýaly goşgy okap bersene !
Günleriň sessizje hoşlaşýanyny ,
Baharyň golaýlap ,gyş geçýänini ,
Entek öz özümden daşlaşmanymy
biler ýaly goşgy okap bersene !
Soňky günler <>,
Asla ýaşamaga elim degmedi...
Şool şygryňda jigerimi jigledi ,
Şolar ýaly goşgy okap bersene !
@ Kakamyrat Rejepow
