Atam şeý diýerdi:
" Dünýä geleniň belli bolsun,
Gün deý dogup ýaşyp git.
Sözleriňi diňläp gadryň bileniň,
Arzuwyňa arzuwyňy goşup git.
Üýtgäp durma şemal bolup öseňde,
Ýedi gezek ölçäp kesgin keseňde,
Mejnunyňky ýaly söýülmeseňde,
Yşk oduna ýanyp köýüp bişip git.
Ykbal ömür tanapyňy ýolmasa,
Dagy agdararsyň il gün gollasa,
Ýow gaýtara rüstem güýjiň bolmasa
Perhat bolup gaýalary deşip git.
Ýerliksiz öwünip gabartma göwsüň,
KALBYŇDA SADALYK ŞINELÄP DÜWSÜN.
Görenler mertlere meňzedip,
Il agzyna gowulyk bilen düşüp git".