Häzirki günde, biz diňe bir kinolary, filmleri köp görmek bilen çäklenemzok, biz kino medeniýeti bilen hem ýakyndan gyzyklanýarys. Kinolara we filmlere bolan söýgimiziň arkasynda näme ýatyr? Biz diňe wagt geçirmek üçin kino görýärismi ýa-da kinolarda has çuňňur birzatlar barmy?

Ine filmlere tomaşa etmegiñ käbir peýdalary:
Filmler öwrenmegimize ýardam edýär.
Dokumental kinolardan belli bir wagtda näme bolup geçendigini öwrenip bilýän bolsak, fantastiki kinolardan hem käbir wakalara nähili seredilendigini bilip bolýar.

Filmler jemgyýeti ösdürip bilýär.
Filmler adamlara empatiýa duýup, dürli soraglary soramagymyza getirýär.

Kyn bolan durmuş sapaklaryny çözmekligimize kömek edýär.
Kinolar bir gahrymandaky kemçilikleri özüňde görmäge mümkinçilik döredýär, bu bolsa özümizi kämilleşdirmegimize ýol açýar. Şeýle hem, biziň başdan geçirýän kynçylyklarymyzdan kino gahrymanlary nähili baş alyp çykýar, ony hem görüp bilýäris.

Filmlere tomaşa etmek üçin birnäçe platformalar bolsa-da kinoteatra gitmek ýa-da dost-ýar bilen kino görmegiň gyzygy başgaça. Hem-de kinodan öň we soň kino barada pikirlerimizi aýtmak, ünsümizi çeken bölekleri barada gürrüň etmek bizi biri-birimize ýakynlaşdyrýar.

Sungatyň gadryny bilmegimize kömek edýär
Kinolar güýmenje ýaly görülýär, emma kinematografiýanyň sungatdygyny ýatdan çykarmaly däl. Bir kinonyň döremegi üçin eşik we ses dizaýndan başga-da arhitektura, teatr we.ş.m gerek. Kino görmek bilen medeniýet öwrenilýär.

Haçanda biz kino görenimizde, biz diňe güýmenmeýäris. Biz bir owadanlyga haýranlygymyz bildirýäris, dünýä we özümiz barada öwrenýäris, adamlar bilen ýakynlaşýarys. Ol biziñ dünýägaraýşymyzyñ giñemegine hem giñ ýardam edýär.

Çeşme: www.abc.net.au