Hassa sanap ýatyr soňky demini,
Ýaşaýşyň öňüni ajal bekleýär.
Ýöne lukman tapyp, derdiň emini,
Dogry gelen ölümide saklaýar.

Käte gara nebsi saklaýar ynsap,
Gahar haýbat atýar bogazyn ýyrtyp.
Gaharam togtaýar, şolam bir sogap,
Paýhas alyp çykýar, elinden dartyp.

Ine düýnem oýnap ýören çagadym,
Bilmezdim gussany, bilmezdim bagty.
Üç dili bar goşarymda sagadyň,
Hiç birisem saklap bilmeýär wagty.

Ýylgaý Durdyýew