Agyrma ýüregim agyrma beýle,
Ýör bile çykaly seýrana seýle.
Belki gussalaryň egsiler gider,
Bilýaňmi hol günem bolupdy şeýle.

Wah şonda kösäpdiň agyryp öte ,
Şonda-da çykypdyk bilseň biz ýere.
Derman därä pisint dagam etmedi,
Wah şonda nämeler duwduň sen nete.

Gereginden artyk urjak bolduňmy,
Ýa urup ýadadyň durjak bolduňmy.
Bilmekligim üçin durmuş gymmatyn
Ýa gorkuzyp hile gurjak bolduňmy.

Siňesim gelenok ýeriň teýine,
Irden görenlerim ýogaldy öýle,
Entek edilmedik işlerim ýatyr,
Agyrma ýüregim agyrma beýle...