SENSIZLIGE ÖWRENŞERIN BIRMAHAL

Sensizliğe öwrenşerin birmahal

Senli günleň süýjüligini undaryn.

Seni görmek isläýsemde kämahal

Bu küýsegmi gahar bilen ýuwdaryn.

Sensizliğe öwrenşerin birmahal

Öçügsi ýyldyzlar syrdaşym bolar

Gijeler Aý ýüzün öwürse menden

Säherler al şapak ýylgyryp, güler.

Aýlar geçer durar, günleri sepläp

Meni öwrenişdirer özüne ýyllar,

Öwrenşerin sensizliğe birmahal

Seni ýatlatsada öwüsýän ýeller.

Ýatlatsa ýatlatsyn mawy al asman

Goý, ýatlatsa ýatlatsyn sagy sollar,

Ýatlaýsada, kalbym hiç gulak asman

Peýdasy ýok indi daş düşdi ýollar.

Öwrenşerin, ýatlamalar ýat bolar

Käte çep tarapym ynjarla sähel,

Ejiz ýüregime bolsada agyr

Sensizliğe öwrenşerin birmahal.