Gyzyma şükür edýän ýetirenime bu güne
Saglyk bilen ömrüň bolsun jan gyzym
Guwansam, buýsansam seniň bagtyňa
Şu dünýede arzuwym şol jan gyzym


Ýuwürjileň golaý bolsun jigiňden
Baldyzlarňy kem görmegin uýaňdan
Hiç haçan unutma ýatlagyn mydam
Sylagyňa sylag bolar jan gyzym


Bilmeýän zatlaryň bolaýsa eğer
Gaýynyňa geňeşgin işleriň şowlar
Agzybire yrsgal bereket geler
Saçagyňyz doly bolsun jan gyzym


Gybat gözläp çar tarapa çatmagyn
Ynsanlary bir-birine çatmagyn
Değere daşyň göwnüni sen ýykmagyn
Göwünlerde Taňry bardyr jan gyzym


Telefona zerur bolsa aýlagyn
Başarsaň sözüňi gysga sözlegin
Bir düwün bolsada özüň çözlegin
Maşgalaň syryny ýaýma jan gyzym


Goňşylary syla ýakyn hossardyr
Ýürekdeş goňşylar külüňe zardyr
Toýda, ýasda ilki goňşylar bardyr
Senem öz borjuňy bilgin jan gyzym


Aý ýüzlüje balam soňlaýyn sözi
Dowamyny aýdar durmuşyň özi
Gorasyn gollasyn ýaradan sizi
Arzuwlaryň hasyl bolsun jan gyzym