Yuwubam bir gör 😂
Alty Garlyýewiň ýanynda aktýorlaryň biri aýagynyň porsaýanlygyny aýdyp:

–  Meniň  muňa etmedik emim ýok Alty aga, hatda daşary ýurtlardan derman getirdibem çalýan – diýip zeýrenipdir.

Alty aga:

–  Inim sen aýagyňy günde bir gezek ýuwubam bir gör – diýip maslahat beripdir.

---

Maňlayňy ellänä dälsiň!
Kakajan Aşyrowyň ýanyna ýoldaşlarynyň biri baryp durmuşynyň agyrlygyndan, maňlaýynyň garalygyndan nalynypdyr. Birdenem eline gözi düşüp:

– Be, elim nireden gara bolduka? Men gara zadam-a ellämok – diýipdir.

Kakajan ýylgyryp, ýoldaşynyň soragyna görä sorag beripdir:

– Maňlaýyňy ellän-ä dälsiň?

---

Taksa el galdyrypdym

Aýaly Tentege käýinipdir:

– Men saňa durmuşa çykyp ýalňyşypdyryn.

Jany ýanan Tentek oňa şeýle jogap beripdir:

– Dogry aýdýaň, keýwany! 10 ýyl mundan öň menem elimi saňa däl-de, taksä galdyrypdym

---

Üýrme

Kemine teatrynyň belli aktýory Alty Kulyýewiň bir aktrisa bilen sözleri azaşypdyr. Aktrisa Alty Kulyýewe:

– Alty aga, it ýaly, üýrüp durmasana – diýipdir.

Aradan birki hepde geçensoň, ýaňky aktrisa:

– Alty aga, agşam haýsy oýun boljak? – diýip sorapdyr.

Üýrme diýilmesini gaty gören Alty aga it bolup çyňsapdyr-da, gaýdyberipdir

😂

---

Yatan yeri yagty bolsyn 😂

Mugallym öz okuwçylaryny ýygnap, ýadygärlik surata düşjek bolýarmyş.

– Pikir edip görüň, çagalar! Ýene-de birnäçe ýyldan siz bu surata seredip, mekdep günlerini ýatlarsyňyz.

«Ine, bu synpdaşymyz Meretdurdy. Telekeçi boldy. Bu bolsa Jeren. Çaga lukmany bolup işleýär…».

Şol wagt yzdan degişgen okuwçynyň sesi eşidilýär:

– Hawa, bu-da synp ýolbaşçymyzdy. Jaýy jennet, ýatan ýeri ýagty bolsun!

---

Halan bolsanyz like 👍 basmagy unutmaň
Çeşme: “Artistleriň degişmeleri”, 1992ý