Adyň mähir,
Mähir özüň
Duýgularyň ummany sen.
Çagaňky deý kalbyň, sözüň
Gör, niçäniň armany sen.

Iň artykmaç sözüm sensiň,
Hem jümlämsiň - ýetmeýäni.
Tizräk seni gözüm görsün,
Diýip wagty gyssaýaryn.

Setirlermi söýgä garyp,
Her pursatda agzaýaryn.
Şoňüçün "Bagtly kimkä?" diýp,
Ýagdyrýarlar sorag baryn.

Iç-içime sygmaýarkam,
Bu bolşumy geňem görme.
Içde yşkym lowlaýarka,
Sowadyp bilmez doňdurma.

Aýtmaga barjak ýanyňa,
Howlukmanjyk, dürsäp demim.
Gulagyňa pyşyrdaýyn:
"Söýýän seni Ý........m!"

Ylham GURBANALYÝEW