Öýkünme däl Kerim agaň sözüne
Ganly ýaş doldurma gara gözüne
Bir gulak sal hassa şahyr sözüne
Eý şum pelek aglatmagyn ejemi


Kesele aldyrdym ýaşlyk döwrümi
Men ýatyryn ejem çeker jebrini
Aýtsana seň şo edeniň dogrymy
Eý keç pelek aglatmagyn ejemi


Ömürleri ýakýaň göýä şem ýaly
Ağy sesi bir ölüme deň ýaly
Şu wagta çenli agladanlaň kem ýaly
Ýeter artyk aglatmagyn ejemi


Dynman aglap göz ýaşlary köl boldy
Agysyna jiger bagrym köz boldy
Her näçe ýalbarsam ýene az boldy
Bessir inni aglatmagyn ejemi


Keç ykbalym ele alyp bilmerin
Elimde erkim ýok ölüp bilmerin
Ýadan dünýäge gezip bilmerin
Zalym pelek aglatmagyn ejemi


Käbäm diýer derdiň özüm alaýyn
Gal aýaga men saýaňda galaýyn
Wah aglasaň neneň bagtly bolaýyn
Meniň üçin aglatmagyn ejemi


Çarhypelek aýlap dur öz çarhyny
Ýamandan saýgarman ýagşyň parhyny
Men töläýin sen aýt bagtyň nyrhyny
Men aglaýyn aglatmagyn ejemi


Men ağlasam ejem garap durarmy
Jan jesetden çyksa ýürek urarmy
Ejemiň hoş wagtyn gözüm görermi
Şol bagt üçin aglatmagyn ejemi


Maksat ýaş ogullary menden sorasyn
Hem ejäni hem saglygy gorasyn
Her ojakda gülki şatlyk döresin
Bir dileğim aglatmagyn ejâni



✍🏻 Maksat Şakirow 📃