Indi bu şähere däl men nätanyş
Onuň saçagynda rysgalym nanym.
Ýöne asman gürläp ýaganda ýagyş
Küýseýärin gujagyny obamyň.

Häzir gydyrdanyp ýörendir Käbäm
Tamdyr-ojagyny gorap ýagyşdan.
Çopan getirýändir sürüsin obaň
Kakam bolsa mallaryny daňyşdy:r.

Ternawyň suwundan dörän kölçede
Ýüzýändir çagalaň kagyz gaýygy
Çaň tozandan halys bolan köçeden
Çekilendir pyýadalaň aýagy

Horaşaja üçegmizden gelýändir
Biziň öňki gögerçinleň gur-gury
Köpelendir
Sanardan juda kändir
Görmedim men olar deýin duýgury.

Ürküzensoň dabarasy damjalaň
Bir tarapdan bezzatlaryň kemany
Diýýändirler bizi otly penjeden
Goraglan gyz nirde,
Niçikkä haly?

Bilýän däldir olar özleri hakda
Şol gözeliň ne hyýallar gurýanyn
Penjiräň öňünde, onunjy gatda
Jaýlaň üçeginden garap durýanyn.

Hemde köne dostlarynyň zaryny
Çekdigiçe alýandygny güýç kuwwat
Doly bilmeýänler entek baryny
Çorluja ellermiň bolanny duw-ak

Şu şäherde gözel günleň dowamy,
Şonuň üçin däl biz asla nätanyş.
Ýöne küýseýärin eziz obamy
Asman joşa gelip ýaganda ýagyş