https://owrenmeli.app/71563-agyt.html#comment
sadajaaa_
12.08.2024 01:58
Ol gyz meni, goý, söýmese-söýmesin,
Çagyrmasa-çagyrmasyn ýanyna.
A men bolsa arzuwlarma aldanyp,
Ýene goşgy ýazaryn şoň şanyna.
Gamgyn bolmaz ol goşgulaň biri hem,
Okan wagty meni ýatlap güler ol.
Kä gamlanyp, bir meni däl, ýene-de,
Köp zatlary söýmänini biler ol.
Gussalarym ýüregime syganok,
Arzuwlarym şygyrlarma döküler.
Meniň goşgularmy okanda ol gyz,
Şonda meni söýmänine öküner...
(Ogultäç Oraztaganowanyň äheňinde)
©️Allanur Çaryýew - Bathyz
18
39