manolya
09.08.2024 00:00
Ýapraklaryň tänişine syn edip,
Ömrüm göz öňümde janlandy ,ynha:
Ýadymda şatlykdan dörân göz ýaşlam,
Hem derdime ýeke aglaýşym pynhan .
Ýeňişlerim ,ýeňlişlerim durmuşda ,
Guwanyşym özgeleriň bagtyna ,
Hasratlarmy duýulmaýan bir burçda ,
bukum ,gorky bilen bakyp wagtyma ,
azalýan ömrümiň ähli minudyn
Ýagşylyga sarp etmegi isleýşim ,
Näçe ýalbarsa-da ýumruklap budun ,
Nebsimiň alyna her giz gitmeýşim ...
Ýene - de ýadymda ,ýaşlygma bakman ,
Öwrenenmi biljeklere öwretdim,
Gözlerme bimahal inen gazabmy ,
Dişlerimi gysa -gysa owratdym ,
Ugradyp günleriň dürli -dürlüsin,
Hepdeleriň ýumagyny çözledim ,
Gözlermi uzaga dikip dürbüsiz ,
Goldawyma mätäçleri gözledim ,
Ýananymda ylla köz bolup ýandym,
Çala öwsen şemal bilen öçmedim ,
Ýollarda mätäje duş gelen wagtym,
Elimde bar bolup bermän geçmedim,
Bilmedim ,oýlara berilip aşa,
Gör ,näçe pursady başdan geçirdim,
Käteler maňlaýym degende daşa,
Şowsuzlygmy hakydamda öçürdim.
Uçurdym asmana akja kepderi ,
Arzuwlarny ganatlarna siňdirip ,
Begendim şat eden çagym köpleri ,
Gyýyldym ,aglanyň ýaşyn diňdirip.
Şatlygymy paýlaşsam-da ir bilen ,
Gaýgylarym mydam içimde pynhan,
....Ömür daragtynyň ýapraklarynyň,
Tänişini synlap otyryn ,ynha ....
@Mukam Muhamow
