Bir süýjüjik bermek üçin eliňe,
Daň säherler işe ýöräpdir kakaň.
Boýuň ýeten bolsa bu gün deňine,
Kemsiz ýetişmegiňe sebäpdir kakaň.


Bolanjasyn saňa berer sowalga,
Tapdyraýmaz ondan güýçli söýelge.
Çagyranda namaza kimin ylga,
Jennete äkitjek sogapdyr kakaň.


Barlygynda mydam goragly daşyň,
Götermersiň ömrüň gussadan goşuň.
Düşnüksiz bu dünýä aýlamaz başyň,
Ähli sowallaryňa jogapdyr kakaň.


Ezizleriň saýa salyp depäňe,
Janlary sağ bolsa armanyň näme.
Mährem Ene-deňelýän bolsa KÄBÄ,
Baş egiljek Kybla, togapdyr kakaň.