Saña...


Seniñ üçin özümi pida etmedim,
Ezýet çekdim şoña iki esseräk.
Bagdyñ saýasynda maña ýetmedik,
Gül ýerine arman ýygdym desseläp.

Geleriñe garaşybam biljek däl,
Göz dikip bilmerin bagtyna özgäñ.
Sen hakynda ýazyp ýörmen geljekde,
Bolsa-da syýa kän
Bolsa-da söz kän.

Ykbal güllän çagy ürküzülmeýär,
Yşk bagly däl haýyşyña erkiñe.
Gowy zat hemişe görkezilmeýär
Gözel düýşler aýdylmaýar her kime.


-- Gurbanjemal Annakowa