Dünýäniñ gadyrny bilmeýän bolsañ,
Janyny tabşyran jesetden sora.
Düzlügiñ gadyrny bilmeýän bolsañ,
Dag içinde galan kesekden sora.

Saglygyñ gadyrny bilmeýän bolsañ,
Düşekde göreşýän hassadan sora.
Ojagyñ mährini duýmaýan bolsañ,
Alysda galgaýan tüsseden sora.

Enänin gadyrny bilmeýän bolsañ,
Mähire zar bolan ýetimden sora.
Atanyň mährini söýmeýän bolsañ,
Ýat ilde gul bolan ýesirden sora.

Ýalançyda öz göwnüñi aldama,
Başarsañ, özüñi töhmetden gora.
Töhmetsiz ýaşaýşy söýmeýän bolsañ Zyndanda aç ýatan mähnetden sora.

Ýaşlygyñ gadyrny bilmeýän bolsañ,
Ýetmişi aşyran gojadan sora.
Perzendiñ gadyrny bilmeýän bolsañ, Perzentsiz ah çeken ejeden sora.

Awtor: ?