garlawac
30.07.2024 11:46
Içim bop-boş zat galmady aýdara,
Aýyrdym çaň basan goş-golamymy.
Örtenere ýeke sebäp goýmadym,
Gülli bukja salyp ýolladym saňa
Hemme goşgularymy...
Gowy duýgularmam ýolladym saňa,
Olardan ýaraňa melhem ýasap bor.
Indi meniň dolanjagym gümana
Küýsän wagtyň kölegämem gerek bor.
Bir-biregiň gadryn bilmedikler biz,
Söýgi bizi neneň eltsin deňine?!
Soň-soňlar-a ähli zady unudyp,
Hiňlener ýöreris ganaty döwlen,
Guşlaň heňine.
Indi öz-özümden öýkeläp bilmen,
Sen meniň ýazygmy bagyşlaýakaň.
Senem ýöne ýere gamlanyp ýörme,
Goşgularmy saňa bagyşlaýakam.
— Enemähri Guwanowa.
