Gyz durmuşa çykmanka türkmençilikde
Enesi soralar gyzyndan beter
Gözelligem gerek welin ýigitler
Näzine serediň özünden beter


Akylly gyz aňsat göze görünmez
Gije köp çykýany gowy görülmez
Müň gara degsede oğlan garalmaz
Ýöne gyz garalar gazandan beter


Gözelligem berilmeýär her kime
Beý diýsem guwanma soljak görküňe
Erk edip bilmeseň eğer erkiňe
Adyňa çek ýeter azandan beter


Gelin bar gyş güni getirer ýazyn
Gelin bar öý ýykar tapylmaz yzyň
Her gelinem ýasar tamdyryň közün
Duzuna serediň közünden beter


Ýigitler siz üçin soňky aýtjagym
Hijem saýlamaň gyzyň ynjygyn
Egerde çyn bolsa gelin aljagyň
Haýasy möhümdir uzundan beter