Hekaýa 1 bölüm

Obanyň ilersinde bişen kerpiçden gelşikli edilip gurlan jaý, çölde
geologiýa edarasynda işleýän Merediň öyüdi. Ol bu gün çöle gitmäge
taýýarlyk görüp, nobatçy ulagyň gelerine
garaşyp, adaty bolşy ýaly, ýatdan çykan zat
bolmasyn diýip, gaýta-gaýta goş-golamy-
ny gözden geçirýärdi. Aýaly Gurbangülem
adamsynyň ýola geýjek penjegini tertipleşdirýärdi. Birdenem Gurbangül penjegiň goltuk jübüsine elini sokup, ol ýerden bir
hat çykardy. Ilki oňa ünsem bermedi. Yöne bilesigelijilik duýgulary üstün çykyp,
hatyň gatyny açdy we ony howlukmaç okamaga başlady. Onda şu sözler bardy:
di meniňem durmuşa çykmaga wagtyn
bolandygyny aýdýarlar. Öye gelýän sawçylaryň biriniň sözüni aljakdygyny aýtdylar. Eger sen, hakykatdanam, meni gowy
görýän bolsaň, onda ejeň dagyny öye ýolla! Ýogsam men mundan artyk.». Yzyny
okamaga Gurbangülüň takady ýetmedi.
gahary gelip, ýetjek derejesine ýetdi. OI sannyldap hem sesini sandyradyp:
- Bu hat kimden? - diýip, öz işine gümra bolup oturan adamsyna haýbatly
ýüzlendi. Meret muňa gowni bir ýaly:
– Bu hat meniň bir işgärimiň haty.
Ýöne ony eýesine gowşuryp bilmedim
diýip, haty Gurbangülüň elinden aldy.
- Ýalan sözlemäge utanaňokmy?
Ynha, bu ýerde seniň adyň bar ahyry!-
- diýip, Gurbangül ýaňy hüjüme geçip başlanda, daşardan ulag sesi eşidilip, onuň sözüni böldi.
Ara salym düşmänkä, daşardan nobatçy ulagyň sürüjisi Kadyr aganyň sesi
a eşidildi:
- Meret!
- Hä. Kadyr aga, geldiňmi! Salawmaleýkim. Öye gir, çaý içeli!
Waleýkimessalam. Yok, Meret ýol
uzak, gijä galman ugraly-diýip, Kadyr
- aga edilen mürähede sypaýyçylykly jo-
gap berdi.
Dogry aýdýaň, Kadyr aga! wagt ýitirmän, ýola düşeli.
Meret yzyna dolanyp, goşlaryny alyp,
gapydan çykjak bolanda, Gurbangül:
Men senden beýle ýagdaýa garaşmandym. Çagamyzyň bolmaýanyna
men günäkärmi? Meniň ýazygym näme?
Iş bahanasy bilen meniň bilen aýrylyşjak
bolýanyňy öňem bilýädim. Bu barada
Amangül daýza-da hol gün ýaňzydypdy-diýdi. Beýle kesgitli sözlere garaşma-
dyk Meret Gürbangüle näme diýjegini
bilmedi. Oňa zat düşündirmegiň hem
häzir wagty däldigine düşünýän Meret:
- Sen ýalňyşýaň, Gurbangül! Gelenimden soň düşünişeris. Kadyr agany
hem garaşdyryp durmaýyn. Häzirlikçe hoş,
jaň ederin - diýdi-de, öýden çykdy. Az salymdan ulagyň sesi öýden daşlaşyp,
ümsümlik aralaşdy..
Gurbangül bilen Merediň toý edenlerine indi ýedi ýyl töweregi bolupdy.
Yöne olaryň çagalary bolanokdy, ýüz tutmadyk lukmany, barmadyk tebibi
galmandy. Emma her gezegem olaryň
paltasy daşa degýärdi. Meret bilen Gurbangülüň önelgesizlik ejirini diňe bir
özleri çekmän, eýsem, olaryň hossarlary
hem bilelikde çekýärdiler.
Entek Gurbangül bilen Meret toý etmezden ozal, duşuşýan wagtlary olaryń
süyji-süýji arzuwlary bardy.
Gurbangülüň ejesi Mahmal daýzanyň jorasy Amangül her gezek bulara
geleninde, Gurbangüle ogly Batyr üçin hyrydarlyk gözi bilen garaýardy. Ejesini
yryp bilsem, gyzynyň gitjek ýeri bolmaz diýen düşünje bilenem jorasy Mahmalyň
ýanyna dürli bahanalar bilen ýygy-ýygydan gelerdi. Amangül gelneje jorasy
Mahmal gelnejä bu barada aýdanda, ol:
«Nesibäňde bolsa, alarsyň» diýip, gysgaça jogap beripdi. Sebäbi ene bilen gyzyň arasyndaky gürrüňdeşliginde Gurbangül öz synpdaşy Meredi halaýandygyny
aýdypdy. Olaryň duşuşýanlygyndan
hem onuň habary bardy
«Gyzly öýe kyrk atly geler, nesibelisi alar.

dowamy bar