Durmuş wyždansyzdan dolupdyr juda
Peselseñ tanaman gyra itýäler
Gören peýdalaryny ýatdan çykaryp
Göýä ýat adam deý ýitip gitýäler.

Hiç bir zat hiç wagt galmaz hasapsyz
Şükür ALLA hemme zady görüp dur
Ýamanlyk et ýa-da etseñ ýagşylyk
Edenleriñ öz başyña gelip dur.

Şeýdip aýlanyp dur pelegiň çarhy
Kä tekiz, kä çarkandakdan ýöredip
Saýgardanok ýagşy ýamanyñ parhy
Bir gezekde tanap bolmaz seredip.

Indi degýän peýdaň bilen tanalýañ
Peýdaň ýokmy adyň zordan bilýäler
Göwnüň sygýan ýakyn adamlaryñam
Ne hal sorap ne gapydan gelýäler.

Toýly Bäşimow