Goý, Günüň tylla temenleri lemmer-lemmer bulutlaryň içinden geçip, ýer ýüzüni zer bilen
keşdelesin. Goý, çaga eli pöwrize reňkli akwarel bilen biri-biriniň üstüne münderlenen
baýyrdyr depeleri, giň sonarlygy çeksin. Suratda ol senem, belki, menem şekillendirer,
aramyzda-da özi elimizden tutup durar. Bolsa bolsun gyşyk-çaýşyk göwreler, topa meňzeş
tes-tegelek kelleler. Saça derek meň kellämde iküç çyzyjak dikgertsin, seniňem başyňa geň-
taň reňkli burma saç oturtsyn. El-aýagymyzam galamyň ujuna görä inçejik bolsun.
Şeýle suraty uzakly gün synlar oturaryn 🙂⚘

— Maksat Bäşimow.