Sen öz goşgyň bilen ýaşa birsellem,
Menem saňa päsgel berip ýörmäýin.
Jaň etme!
Bagyşla, bagyşlap bilseň,
Erkin ýatyp, erkim bilen örläýin.

Gyzlardan gabanyp, çekmen gussa-gam,
Men juda eýjejik gözden salardan.
Söýmän ýaşamakdan ejiz bolsamam,
Mert gyzdyryn söýüp ejiz bolardan”

Saýrak diliň şu sözleri diýse-de,
Nirä baksam — sen gözüme seredýäň.
Jaň edemok,
ýöne ýarygijeler
Sen nämüçin ýüregime jaň edýäň?