Arwahyň aglaýan gijesi 4 bölümi
Sen şol adamy tapyp şu otaga getirmeli bolarsyň.Ýada sen meni görüp kömek etmedigiň üçin men seni öldürmeli bolaryn-diýip arwah gamgyn jogap berdi.
-Ýöne bärde meň günäm näme?!-diýip Aýjahan aglap başlady-Men nädip siziň janyňyza kast edeni tapaýyn.Tapaýan ýagdaýymdada men ony nädip öýümize getireýin ahyryn?!
-Ol zatlar meň işim däl Aýjahan,sen menden gorkmaýandygyňy aýtdyň,şoň üçinem men saňa göründim,indi ýa kömek edersiň ýada...-diýip arwah dymdy.Şol wagt Aýjahanyň kellesine otagdan çykyp gaçmak pikiri geldi.Ol yzyna öwrülip gapa tarap ylgamakçy boldy.Emma ýetişmedi arwahyň uzyn saçlary onuň boýnuna oraşyp gysmaga başlady.Aýjahan gygyrmagada haly galmady.Arwahyň saçlary ýylan ýaly ony bogup durdy...
Aýjahany dogany Aýnur yralap turuzdy.
-Tur gyz,işe galarsyň bu ýatyşyňa.
Aýjahan Aýnuryň sesine yralamasyna özüne geldi.Seretse arwaham ýok beýlekem.Hiç ýere göçmändirlerem,öz dogany Aýnuryň ýanynda ýatyr.Bolup geçen zatlaryň hemmesem düýşi eken.Muňa begenjine tasdanam mydama sözde jedelleşýän dogany Aýnury gujaklaýady...
Aýjahan her günki ýaly işe gitdi.Agşamky gören düýşüni ýatlap işdede keýpi bolmady.Iş günini sag-aman geçirip öýüne geldi.Ejesi-kakasy we doganlary bilen agşamlyk naharyny edindiler.
Aýjahan ýerine geçip ýatdy.Ýatan badynada uka gitdi.Gijäniň bir wagty ukydan oýansa gulagyna kimdir biriniň aglaýan sesi eşidildi.Aýjahan birbada "Aýnur biri bilen telefonda gürleşýändir" diýip sese üns bermejek boldy.Ahyryn gapdalynda goýan telefony alyp,ýagtylandyryp Aýnura seretdi.Aýnur süýji ukyda ýatyrdy. Sagat 02:02-di.Aglaýan aýalyň sesi bolsa barha golaýda ýaly eşidilýärdi.....
Awtory:Şirhan2612