Şahyr gyzy söýmäň!

Şahyr gyzy söýmäňler,
Ýetip bolmaz ýüregne.
Hiç zady goýmaz olar,
Goşgularnyň deregne.

Ýazan söýgi hatlaryň,
Juda sada görerler!
Çünki olar "şahyrdyr",
"Älem gezip ýörenler".

Zemin bolsaň eger-de—
asmandadyr göwüni.
Asman bolsaň eger-de—
zemindedir göwüni.
Garaz olaň islegniň,
Çözülmezdir düwüni!

Olaň barça söýgüsi,
Goşgylarna siňendir,
hem gussasy, şatlygy,
diňe goşgy bilendir.

Näziklerden näzikdir,
Ynjydaýsaň solarlar!
Özgelerden duýgurdyr
Aldayanyň bilerler!

Agladaýma olary,
Dünyä senden gam çeker!
Olaň çekjek zaryny,
Bütin älem deň çeker!

Sähel ýagan ýagyşdan,
Şatlyk dolar kalbyna.
Bir garynjaň ölümi,
Közler goýar bagryna...

©Edepli GÖDEK