Sen gitseň söýgimi alyp gidersiň, 
Gussam gözlerimde besse-besse bor. 
Seniň maňa goýup giden durmuşyň 
Hesreti ölümden iki esse bor. 

Aralyk deý uzak bolar aýralyk, 
Ýat bolup gidersiň ykbalyň bilen. 
Menem senden arly bolup galmaryn, 
Gülden näzik göwnüň ýykmanym bilen. 

Ýöne köňül öwlüýäniň ýoly dek, 
Gussaly bor, umytly bor onsoňam, 
Synam içre surat bolar syratyň, 
Haýsy gülüň pudagynda gonsaňam. 

© Çary ÝEGENMYRADOW