Ýa döwür üýtgedi, ýa-da adamlar,
Her kim öz nebsine ýeňilip barýar.
Mukaddes saýylýan sögüň gymmaty,
Çagaň oýnjagyna deňelip barýar.


Toý, ýasyňa tanyşlaň ir gelerdi,
Kyn günüň ýanyňa dos-ýar gelerdi.
Bolmanda gapyňdan hossar gelerdi,
Doğan garyndaşam kemelip barýar


Namardy kän eken dünýäň merdinden,
Kyn işleri düşürdiler gerdenden.
İki ýüzli ýalançylaň derdinden,
Sadalaram ýüpsüz daňylyp barýar.


Öňler ähli zadyň bardaçylygy,
Geçýän günleriňem gaçdy gyzygy.
İndi adamlaryň adamçylygy,
Adamlaň özünden öň ölüp barýar.