PYŞYRDY
Uçur gözleňdäki durnalaryňy.
Bu iň owadan aýralyk bolar.
Sesim gapyňyzy kakmaz irdenine,
Geçelgede barmaz ysym arkaňdan.

(Ruhumy ýitirdim.
Ýöne bilýärin,
Tapjagymy ony siziň raýondan.)

Uçur goýnuňdaky kebelekleri.
Hem sen aglama ejeň ýanynda,
Del sebäbe bukup meniň hatamy.

Duýýaňmy ruhumyň her gün
Gujaklaýşyny,
Işe gideňsoň
Daragyňda galan saçyň taryny.

Uçur ýürekdäki kepderileriňi...


2020ý.
© Rahat ŞYHYÝEW