GÜÝZ AGŞAMY

Güýz agşamy
Birden sen düşdiň ýada,
Ýapraklaň dökülşi saňa meňzedi.
Hakydamda klassika öwürülen,
Janym men ýene-de "Seni" diňledim...

Ýalňyz gijelemde gujakla meni,
Bu ruhumda tupan turuz ýene-de.
Goý, bar zady hazan ursyn,
Sen welin
meň bilen gal hiç ýerlere gitme-de!

Bir ýerlerden birden geläýjek ýaly,
Nirde sen, men saňa garaşyp ýörün?!
(Ýa özüm — alňasap agtaryp ýörkäm,
Deňiňden biperwaý etdimmi öwrüm?)

Ýürek ot-ýalyndy, sönügsäp barýar,
Wagt akar suw deýin akyp dur kalpdan.
Söýgiň gussasynda ýaşap öterin,
Çykmarsyň ýatdan!

© Baýramgylyç SAPARGYLYJOW