manolya
05.06.2024 14:19
"Bir gün ýalňyz galar adam diýen zat "
K .Gurbannepesow.
Adam ýalňyz däl ,aslynda
Bir nazar aýlaşan gerek.
Agsasa, bir gün asgynlap,
Ýüküni paýlaşan gerek.
Gördüň-ä dost haly harap -
Kesesinden durma garap.
.....Ýok ,hökman däl, arak -şerep.
Bir gelip çaýlaşan gerek.
Durmuşdyr ,daraltsa demi -
Biribar-bire-bir emi .
Adamzat, bir çig süýt emen ,
Göwnüne jaýlaşan gerek.
Ah ,biparhyň ýüzi sowuk,
Bolsady bir it dek ,kowup.
.....Bir-biregiň ýasyn sowup,
Toýuny toýlaşan gerek.
Bir ýerlerde -ak daň atar,
Bir ýerlerde - śapak batar....
Bize mâhir - mylakatdan,
köňüller maýlaşan gerek.
Ýodalar -ýol öwrülýâr ,
Soň saga-sola öwrülýär.
....Barybir ,gelýär öwlüýä
Oturyp oýlaşan gerek...
Annamuhammet Kirşen
