Maýyl bolup gybat edýän guşlaryň,
Ýüpek seslerinden ýumaýyn ýumak.
Gola duran biýarany depelän,
Sagallaň yzyna guraýyn duzak.

Uzak ýaýlalarda hallan atyşýan
Görüpleň gözün,
Gözmonjuk edeýin.
Şypa bersin diýip,
Ýanýan ýüreklere suwa düşeýin.
Binika dogulan sözleri jemläp,
Tämiz duygularyň suwuna
Hlor atyp,
Agardaýyn tegmil degen ýerlerin...
Men seýle edeýin!
Belkem,
Kem-kem,
Külçä dönen,
Öýkelän ruhum,
Yzyna döner...

Remezan MÄMETGURBANOW