Ýanwar aýynda tanyşdyk,
Gyşyň sowuk aňzagynda.
Aýazbabaň agtyjagy,
Garpamyjak ýalymyň sen?

Ertekilerdäki ýaly,
Üýtgeşik bir dünýäň bardy.
Piter Peniň gahrymany,
Edil, Bendi ýalymyň sen?

Seni söýmezlik mümkin däl,
Düşünmegem mümkin däldi.
Transformas primeniň
Bumbylbisi ýalymyň sen?

Zähmet çekerdiň janypkeş,
Başyň çykardy her işden.
Öz öýüniň hyzmatkäri,
Zoluşkanyň taýymyň sen?

Goýup alysa gitseňde,
Ýürekde baky ýer etdiň.
Taşlap ýat ýurtlara giden,
Ol, Malwina ýalymyň sen?

#awtor: Amangeldiýew Durdymyrat