SEN BOLDUŇ

Duýýaryn, sol ýanyň urgusy artýar,
Sen geldiň, kalbymyň boş ýerin dolduň.
Gursakda ýüregim, ýürekde janym
Ýüregim käbämdi, janym sen boldyň.

Gündüzler oýumda garşyma çykýaň,
Gijeler düýşümde ýylgyryp bakýaň,
Garaňky tümlükden maňa ýol açýaň,
Güneşim käbämdi, Aýym sen bolduň.

Çyn söýgüni gözläp kän gezdim munda,
Alawly yşk odun ýakdyň gyz mende,
Öz söýgümi gördüm seniň gözleňde,
Meň bagtym käbämdi, taýym sen bolduň.

Baýramgeldi TÄÇMYRADOW