ALDAÝAR

Bu durmuş ýalançy, ýa men ynanjañ,
Ýaş berip ýaş alan ýyllar aldaýar.
Nepiñ degse köp ekeni ýaranjañ,
Süýji - süýji sözlän diller aldaýar.

Bagtsyzdan ýüzüni hemmeler sowýar,
Bagtlykañ söýdürip pullar aldaýar.
Arkañdan sögünip ýüzüñe öwýän,
Dostsyrap uzanan gollar aldaýar.

Ga:lmadymy dünýä, hiç kime ynam,
Gyndan ynananym çuññur aldaýar.
Her aña gelmezmiş güýçliräk ýalan,
Akmak däl, akyly çuñlar aldaýar.

awtor: ŞANAZAR HYDYROW