Misli Garyp Şasenemi
Söýen dek söýmüşem seni.
Sowuk beden gyzgyn demi
Söýen dek söýmüşem seni.

Bilseñ bu jahan bir pany
Yşgyñ ody ýakar jany.
Ýusup Magşuk Züleýhany
Söýen dek söýmüşem seni.

Bilbil güliñ hyýalynda
Göýä,hassa mysalynda.
Melhemi agyr halynda
Söýen dek söýmüşem seni.

Tebigat goýmaýyp kemin
Gözellikden berip emin
Beýik daglar çigildemin
Söýen dek söýmüşem seni.

Kükreýip gelende ýazy
Köl beslese sona-gazy.
Gamly köñül şirin sazy
Söýen dek söýmüşem seni.

Ýokdur aşyklaryñ sany
Söýgisine pida jany.
Merdana Artyk Aýnany
Söýen dek söýmüşem seni.

Beýle gülem bor ekeni,
Ysgamazlyk zor ekeni.
Pynhan duýgy tämiz teni
Söýen dek söýmüşem seni.