Käbäm seni juda göresim gelýär.

Bu gün ýürek yssy mähriňi küýsäp,
Mundan geçip oňa barasym gelýär.
Her gije aglamak bolup maňa däp,
Käbäm seni juda göresim gelýär.

Meni ýaradanlar üç sany welin,
Ikisini görmeklik mümkindir elin.
Mümkünlerem ýitdi çagakam heniz,
Käbäm seni juda göresim gelýär.

\"Eý kaýda, mähir, muhabbet kaýda. Nirede ýumşak eller, hem nurly dide?\"
Ýadadym bulery özüme aýda.
Käbäm seni juda göresim gelýär.

Jaý dikeltsem guran jaýym enesiz,
Gazanjymdan goýjak paýym enesiz,
Gelin alsam olam gaýyn enesiz,
Käbäm seni juda göresim gelýär.

Asmanda guş görsem ejemdir öýtdüp,
Ylgap baryp ony kakama aýtdym.
Gaýtmasyz dünýeden gaty ir gaýtdyň.
Käbäm seni juda göresim gelýär.

Awtory: Kerim Hallyýew