Eýnşteýniň ýalňyşlyk dersi (tymsal)
Dünýä meşhur tymsalda aýdylyşyna görä, bir gün Eýnşteýn sapak geçip oturan mahaly ders tagtasynda 9x1=9, 9x2=18 diýip, köpeltmek tablisasyny soňuna çenli ýazypdyrda, 9x10=91 diýip jemläpdir. Talyplaryň bir topary mugallymyň ýalňyşyna gülseler, beýleki bir topary onuň ýalňyşyny ýaňzytmaga başlapdyrlar. Eýnşteýn birsellem syn edip durupdyr-da, adamzat taryhynyň meşhur dersini beripdir:
«10-a ýetýänçäm, 9 sanysyny dogry ýazdym. Dogrular üçin hiç kim meni gutlamady, ýöne ilkinji ýalňyşymda köp kişi derrew herekete geçdi. Ýalňyşmak işiň dowamynda ýüze çykýan tebigy ýagdaý. Ýalňyşman iş öwrenmek mümkin däl. Diňe hiç zat etmeýän adam ýalňyşýan däldir. Ýöne işsiz oturmagyň özi düzedip bolmajak ýalňyşlykdyr».
Çeşme: "Türkmen dünýäsi" gazeti.