manolya
10.05.2024 22:15
Sermest bahar gelip baglar güllände.
Men ondan soradym:
-Taplarym niçik?
-Hiç neneň däl, ganymatdyr -diýdi ol.
Özge zat diýmedi açykdan- açyk.
Ot - ýalynly tomsuň tüp yssysynda
Men ondan soradym:
-Hallaryň niçik ?
-Hiç neneň däl - diýip, jogap berdi ol,
Başga zat diýmedi açykdan -açyk.
Ýapraklar saralyp güýze düşen çagy
Men ondan soradym :
- Ýagdaýlar niçik ?
-Hiç neneň däl -diýip, jogap berdi ol.
Ýöne pyşgyrmady açykdan -açyk,
Aýazly gyş geldi çarhlap dişini,
Men ondan soradym:
-Hal -ahwal niçik ?
-Hiç neneň däl- diýip ,jogap berdi ol.
Ýöne zat diýmedi açykdan -açyk.
Düşünip bilmedim hiç neneň däle,
Bu sözden çykaryp bilmedim many.
Ýöne dile geldi durdy bu sözler.
Ýada salan wagtym ýaňky bendäni.
Birden gürüm -jürüm boldy ol adam,
Yzynda ne gürrüň galdy ,ne gybat,
Bir men käte öz içimi gepledýän:
Niredekä hiç neneň däl ganymat .
@Berdinar Hudaýnazarow
