Meniň ejem owadan,
Mähriban oň her sözi.
Çagalykdan ezizläp,
Ýetişdirdi ol bizi.

Näçe taryp etsem-de,
Aýtjak sözüm tükenmez.
Sen ömrümiň manysy,
Seniň taýyň tapylmaz.

Işden ýadap geleňde,
Ýadawlygyň duýmarsyň.
Biş-düş bilen başagaý,
Işiňde kem goýmarsyň.

Käýeseň-de ejejan,
Söýgiň duýýan ýürekden.
Garrasak-da, durmuşda,
Mydam bize gerek sen.

Şonuň üçin ýaşa sen,
Dünýä durynça durgun.
Kemal eden perzentleň,
Bagtly günlerin görgün.

Awtory Söýli Rozyýewa