Ekzklýuziw: futbol täzelikleri
Ýylyň iň gowy topary yglan edildi

“France Football” žurnaly tarapyndan Angliýanyň “Mançester Siti” topary yzygider ikinji gezek ýylyň iň gowy topary diýlip ykrar edildi. Geçen möwsümde topar Angliýanyň çempiony boldy, ýurduň Kubogynda hem-de Çempionlar ligasynyň ýeňijisi bolmagy başarypdy.

Iň gowy zenan topary hökmünde “Barselona” saýlandy. Kataloniýanyň kluby La Ligada, Ispaniýanyň Super kubogynda, şeýle-de Çempionlar ligasynda ýeňiji boldy.

8 altyn top: 8 altyn ýüzük

Fransiýanyň “France Football” žurnalynyň wersiýasy boýunça geçen möwsümiň iň gowy futbolçysyny sylaglamak dabarasynyň 30-njy oktýabrda bolandygyny ýatladýarys. Ses berişligiň netijelerine görä, Messi karýerasyndaky sekizinji “Altyn topuna” eýe boldy.

Sport egin-eşiklerini öndürýän adidas kompaniýasy “Inter Maýaminiň” we Argentinanyň milli ýygyndysynyň hüjümçisi bolan ýyldyz futbolçy Lionel Messiniň sekizinji “Altyn topa” mynasyp görülendiginiň şanyna sekiz sany altyn ýüzük sowgat berdi.