35 ýyl bäri dowam edip gelýän «Maýmynlar üçin» ýörite festiwal!

Taýlandyň Lopburi şäherinde takmynan 4 müňden gowrak maýmyn özleri üçin ýörite taýýarlanan bufetden lezzet aldy.

Taýlandly bir telekeçiniň ýolbaşçylygynda 2 tonna miwe we gök önümlerden ybarat iýmit syýahatçylaryň we ýerli ilatyň kömegi bilen maýmynlar üçin ýörite taýýarlandy. Iýmitlere hüjüm eden maýmynlar birnäçe wagtyň içinde ýörite taýýarlanan 2 tonna miwäni we gök önümleri iýdiler.

«Maýmynlaryň açyk bufet festiwaly» diýlip atlandyrylýan we 35 ýyldan bäri dowam edip gelýän bu däp syýahatçylaryň arasynda uly gyzyklanma döretdi. Beýleki tarapdan, festiwal maýmynlaryň şäheriň syýahatçylygyna goşan goşandyna hormat hökmünde guraldy.

Belläp geçsek, bu festiwal 1989-njy ýyldan bäri noýabr aýynyň soňky ýekşenbesinde Taýlandyň Lopburi şäherindäki gadymy ybadathananyň töwereginde 35 ýyl bäri geçirilip gelinýär.